Sanaman Mantikei

Metoh huran into dukuh kaleka Nusa Kuluk Riam Habambang, hila sambil mirik sungei Samba, tege belum  ije kaluarga pamalan. Kaluarga te tege anak ije biti  hatue bagare Tinjau. Hong ije andau Tinjau magah bari juhu eka ewen malan. Into benteng jalan Tinja hasupa  oloh kilau bapae. Oloh te balalu mimbit ie akan ije eka. Tinjau manumun ih, awi kameae dia sala umba bapae kabuat.

Pada jaman dahulu di dukuh Nusa Kuluk Riam Habambang, sebelah kiri hulu sungai Samba, ada sebuah keluarha petani. Kelarga itu memiliki seorang anak laki-laki bernama Tinjau. Disuatu hari Tinjau mengantar bekal makanan ke ladang. Di perjalanan  Tinjau bertemu seseorang yang mirip ayahnya. Orang itu lalu membawa Tinjau ke sebuah tempat. Tinjau mengikuti saja, karena dia merasa tidak salah mengikuti ayahnya sendiri.  

Kajariae sampai ije betang. Into huange are oloh hapompung. Ije biti kapala oloh are te hamauh dengan oloh je mimbit Tinjau “ Bara kueh ikau dinon anak kalonen toh? Kilenampie amon ie manapayah taloh gawi je inyahukan itah kareh? Gawin itah tuh dia tau nampayah taloh handiai, mahin hindai amon kalonen.”

Akhirnya sampai disebuah rumah betang. Didalamnya banyak orang yang sedang berkumpul. seseorang yang memimpin orang banyak itu berbicara kepada orang yang membwa Tinjau. " Darimana kamu dapat anak manusia ini? Bagaimana kalau dia melihat pekerjaan yang kita sembunyikan nanti? Karena  kita ini tidak boleh dilihat  

“Anak  kalonen tuh supaku into saran jalan akan humangku, sahelu bara jalan akan lewo itah toh. Basalenga ie tau mite aku, untungih aku mubah baungkuh kilau bapae. Tau bewei iye tuh suhon kalonen benyem-benyem manampayah taloh gawin itah. Aku bejeleng akan hetoh maimbit anak kalonen toh. Tasarah kilen ampie manduan kaputusan.” Tumbah oloh je mimbit Tinjau endau. Kapala  Taloh te hamauh “ Inkes ie penda garantong  je hai te manga dia ulih manampayah gawin tah.”

“En tege ikau mite taloh  gawin ikei?”, kalote  paisek kapala ewen te. Puna Tinjau harati ie tumbah “  iyoh aku mite kakare gawin keton te uras.” Kapala oloh gaib te hamaoh “Amon kilau kau keleh keton nyangkolep ie hapan rangkong”. Oi, ela keton nyangkolep aku hapan rangkong te awi ulihku mite gawin keton” kuan Tinjau. “ amon kilau kau nyakulep ie hapan Pangalau” kuan kapala oloh gaib. “Ampun! Ela keton nyangkolep alu hapa Pangalautoh. Aku palos angat babote tuntang dia ulih machining sama sinde”. Kawan oloh gaib te tatawe gahak-gahak, awi Tinjau dia olih  mite oras gawin ewen.

Kawan oloh gaib te palos mampalalus gawi malenyuh batu jadi sanaman, likut balikat eka bagawi impendeng telo kabawak hampatong bara petak liat je mias tampae. Takolok tampan laok, ikuh kilau hadangan. Takolok angui ikuh kilau  laok. Takolok tampan bawui ikuh kilau bajai. Bara pander ewen tege pire-pire kapali hong gawi te. Iete diatau nampayah atawa iningak oloh bawi, horeh atawa bapander je papa tuntang hakaridu. Beken bar ate musti tukep danom tuntang tege edan kayu je sadang kagantunge. Due sarat je pangkalepah tege rimae teknis pakakas te. Amon batu iete batu je tege hoang petak.

Telo andau telo alem  katahie Tinjau manampayah gawin ewen te, manampara bara manampa pakakas, manampa batu jadi sanaman, tuntang manampa akan sanjata tuntang pakakas. Awi kaderoh ewen te bagawi ewen kalapean dengan Tinjau. Kajarie ulih maliwus arepe buli akan huma.

Pire-pire nyelo limbah te Tinjau mimbit jalahae manggawi sanaman mantikei kilau je inampa huang lewo oloh gaib huran. Ewen manggawi labih bahalap awi paramu je buah ampie tuntang kajarian gawi bahalap kea.

Kaleka manampa sanaman mantikei toh gitan into sila gantau murik sungei Mantikei, sungei Manten tuntang Kaleka Nusa Kuluk Riam Habambang. Sanaman mantikei te ampie balemu tapi banyihi. Batu je tau inampa sanaman te tikas tege huang sungei Mantikei. Manggau batu te ingali bara penda petak. Awi sanaman toh basewut toto, inanggaare eka saloroi sungei Samba wayah toh inampa are Kacamatan Sanaman Mantikei.